大減價?! 唔買就對唔住自己啦
理財貼士
又有大減價！今次唔買就對唔住自己啦 。唔知你有無發現，每當有XX大減價嘅時候，你都會失去理智咁瘋狂掃貨，當你回過神嚟，你已經用咗差唔多半個月糧買嘢。有過呢種經歷嘅你請放心，You are not alone，小編都曾經係咁。但點解「大減價」呢三隻字會咁有魔力，會令人喪失理智咁狂買嘢呢？今日理財經濟學第二堂就同你拆解減價心理學！
唔好睇少「大減價」呢三個字，其實背後隱藏著錨定效應的「行為經濟學」理論。假設蘋果公司一部最新型嘅手機標價$10000，咁$10000呢個價錢就會好似一個錨咁定點係我哋嘅腦海中，令我哋留下呢部手機嘅價值。所以當商戶突然大發慈悲進行「大減價」，將手機以大字標示「半價」，即手機減至$5000時，心理上我哋會覺得抵咗好多。可能我哋未必真係需要呢部手機，所以標價$10000時，你會認為太貴而唔會購買，但你卻可能因為它突然半價而花錢去購買更換新手機，因為平咗一半對你嚟講實在是抵咗好多，這就是錨定效應，亦是「大減價」的魔力了！
